Комбинацијата на овие бои е една од најпопуларните техники за дизајнирање кога станува збор за внатрешен дизајн. Сите оние кои сакаат да го истакнат ентериерот на својот дом (а со тоа да го привлечат вниманието на своите гости) секогаш ќе играат на црно-белата карта бидејќи токму таа е заслужна за создавање на елегантен и оригинален ентериер. И не само тоа, оваа добитна комбинација не мора да се менува во согласност со трендовите бидејќи е едноставнa и гарантира дека ќе биде модерна долги години.
Со неколку светли бои, секој црно-бел простор може да стане елегантно забавно место каде целото семејство со задоволство ќе се собере. Ова не важи само за дневната соба, туку и за кујната, трпезаријата, туку и за балконите и терасите, кои исто така многу убаво го „издржуваат“ овој дизајн.
Исто така, црно-белата боја одлично функционира во спалната соба, особено во комбинација со добро осветлување, ѕид од тули (индустрискиот стил е исклучително популарен овие денови!) но и со златни детали (за да постигнете помодерен изглед).
Кога белата боја е доминантна, таа го проширува просторот и го прави визуелно поголем, додека во спротивен случај, просторот добива цврстина и подобра дефиниција. Контрастот создаден од овие две спротивни бои овозможува да се нагласат интересните детали за ентериерот, но тоа може доста добро да се постигне со вметнување на трета боја во целата приказна. На пример, црвената боја ќе ја зголеми енергијата на просторот, зелената ќе го освежи, жолтата ќе додаде чувство на топлина и удобност, а сината ќе го направи дизајнот попрефинет и елегантен. Не треба да го заборавиме и задолжителното сиво, кое е само на половина пат помеѓу црното и белото, па затоа е идеална нијанса за омекнување на постоечкиот контраст.
Но, за кој простор и да станува збор, секогаш внимавајте на рамнотежата, особено кога станува збор за избор на црно-бел мебел. Секогаш имајте на ум дека мебелот треба да биде во контраст со ѕидовите и подот, па ако во шемата на бои доминира црна – изберете бел мебел за да ја направите просторијата попространа и посветла. Исто така, црните софи во бела средина ќе го подобрат чувството на ширина и висина.
И на самиот крај, потсетник добро да размислите за интензитетот на светлината пред да ја изберете доминантната боја. Ако во вашиот дом има само еден прозорец или не можете да се пофалите со добро осветлување – подобро е да не избирате црно бидејќи собата ќе стане прилично темна. Неговата употреба не се препорачува дури ни во мали простории бидејќи само ќе го намали просторот уште повеќе, но затоа е идеален за големи и отворени простори за живеење со многу природна светлина.
Реновирање Скопје 