Идеи
Најважната карактеристика на кујната е тоа што во неа се подготвува оброкот. Најважната одлука, пред сите останати, во реновирањето на кујната е распоредот на елементите. Зошто? Затоа што тој распоред ќе ви ја диктира работата и движењата во кујната. Само откако точно ќе знаете каде ќе биде поставен секој елемент, дури тогаш можете да се справите со други неопходни задачи како што се поставување или менување на распоредот на цевките за вода и одводнување, типови на плочки, покривки и подови, боја на елементите.
Уредување на елементи во кујната
Ставете ги елементите по редоследот што ви се потребни додека готвите. Колку простор ќе заземаат, зависи од расположливиот простор во вашата кујна. Имено, големини на фрижидери, мијалници и шпорети најмногу ги одредува фабриката и дизајнот, останатото е предмет на прилагодување. Но, како што знаете и самите, кујната не мора нужно да биде во една линија. Елементите може да се редат во форма на буквата L или U, а во случај на поголема површина од просторијата, можете да користите и т.н. кујнски остров.
Некои важни информации
Површината на вашата кујна треба да биде најмалку 6 m2. Висината не треба да падне под 2,50 m. Речиси 70% од времето што сме дома го поминуваме во кујна (барем оние што готват секојдневно). Покрај тоа што се користи за подготовка на оброци, кујната често е место каде семејството и пријателите се собираат, јадат „од нозе“ или пијат кафе. За да го направите овој простор што е можно поудобен и функционален, обрнете внимание на следново:
Природна светлина која ја осветлува работната површина
Доколку немате природна светлина, одредете ги локациите каде што ќе инсталирате вештачка светлина.
Каде што има цевки за вода, струја, гас
Внимавајте да не купувате кујна без проверка, бидејќи може да имате проблеми со инсталацијата и употребата.
Ѕидните и подните облоги треба да бидат водоотпорни и издржливи
Имате многу материјали на располагање, од најновите бетонски облоги кои можат да се обработат површински на различни начини, до класични како што се керамички плочки, паркет, камени подови, ПВЦ, гума или ламинат.
Изберете ја текстурата и боите кои најдобро ќе се вклопат во саканиот стил на уредување на внатрешноста на кујната
Кујнските апарати што ви се потребни
Кога купувате апарати за кујна, обидете се да најдете такви кои одговараат на вашиот животен стил, но и на дизајнот што би сакале да го имате. Секоја кујна треба да ги има основните елементи: фрижидер, мијалник, можеби машина за миење садови, шпорет и рерна. Сепак, денешната „опрема“ оди подалеку од основите. Микробрановите печки сега се повеќе се користат за загревање храна, а тешко е да се замисли модерна кујна без аспиратор, особено ако во близина немате прозорец што може да се отвори. Исто така, денешните уреди не стојат сами на себе. Тие најчесто се вградени во елементите. Кога станува збор за површината на овие уреди, нерѓосувачкиот челик се уште е најпопуларен, но и најскап. Некои производители нудат алтернативи кои изгледаат како нерѓосувачки челик, бараат помалку одржување и се поевтини.
Дополнителни детали за реновирањето на кујната најдете овде.
Реновирање Скопје 